Ji bo Amed û bajarên Herêmê hişyariya barana gur hat dayîn.

Midûriyeta Herêma 15emîn a Meteorolojiyê ya Amedê, daxuyanî da û ragihand ku tê payîn li gelek bajarên herêmê, bi taybetî jî li Amedê baranek gur bibare û digel bah û bahozên xurt germahiya hewayê jî wek 2 pile heta 3 pileyan ji normalbûna demsalê kêmtir bibe.

Di berdewamîya daxuyanîyê de jî wiha hat gotin, “Li gor nirxandinên dawî; Tê texmînkirin ku li herêma me wê di 03.10.2023an roja Sêşemê de li derdora bajarên Amed, Êlih, Sêrt, Mêrdîn û Şirnexê şilî û barana gur bibar e û bahoz rabe. Divê li hember neyînîyên weke lehî, vedana birûskan û di dema baranê de bayê xurt û astengiyên di çûnûhatinê de baldar û miqatebin.