Alîkarê Serokê Koma HDP'ê Sarûhan Olûç, li Meclîsê di civîna çapemenîyê de ragihand ku Koma Meclîsê ya AKPê ji bo pêşnûmeya guhertina destûra bingehîn a derbarê por nuxumandina jinê de nîqaş bike randevû xwestîye

. Ji ber rewşa sîyasî, wan nîqaşa vê pêşnûmeyê samîmî nedîtine û ev daxwaz red kirine. Oluç da zanîn ku rêveberên Koma Meclîsê ya AKPê ji bo roja Çarşemê ji Rêveberîya Koma Meclîsê ya HDP'ê randevû xwestine û piştê ku lijneyên rayedar ên partîya wî ev daxwaz nirxandibûn, biryar dane ku vê daxwazê red bikin. Parlamenterê HDP'ê Oluç, dîyar kir ku ew hewldanên dîyalogê yên Rêveberîya Koma Meclîsê ya AKPê ne girîng nabînin û wiha got: "Em difikirin ku ji ber polîtîkayên hikûmetê yên li hemberê me zemîna hevdîtinê ya bi vê rengê hatîye rakirin. Di demeke ku destûra bingehîn niha jî tê binpêkirin û yasa tê rawestandin, em gotûbêjkirina guhertinên destûrî ji dil, pêbawer û dilteng nabînin.”