HDP'ê derbarê 'protokola veşartî' ya di navbera Serokê Giştî yê CHP'ê Kemal Kiliçdaroglû û Serokê Partîya Zaferê Ûmît Ozdag de şîrove kir û got, "Ev bêbextîya sîyasetê û têkçûna mûxalefetê nîşan dide.

" Parlamenterê HDP'ê Sezaî Temellî, dîyar kir ku derbarê protokolê de ti agahî bi HDP'ê û Partîya Çepên Kesk re nehatîye parvekirin. Temelli, ji Independentê bi Abdulhakîm Gunaydin re axivî û dîyar kir ku ji roja ewil û vir ve HDP parêzvanîya wê dike ku sîyaset heta ku dibe, bila zelal be û bi gel re be.

Temellî da zanîn ku ji destpêkê ve Sîyaseta Maseya ŞeşAlî li şûna civakîkirina sîyasetê veguherandîye maseya muzakereyê û wiha got: “Sîyaseta îttîfaqê di rastîyê de ew e ku civakê têxe nava sîyasetê û civakbûna sîyasetê ye. Mixabin avahîyeke me heye ku di vê polîtîkaya tifaqê de bi ser neketîye. Erdhejên wê yên paşerojê dijîn."