Meclîsa Koçberî û Penaberan a Kongreya Demokratîk a Gelan (HDK) û Komîsyona Koçber û Penaberan a Partîya Demokratîk a Gelan (HDP) bi wesîleya Roja Koçberî û Penaberan bi sernavê "Em jîyaneke bi rûmet û ewle ya penaberan diparêzin" daxuyanîyeke nivîskî ya hevpar dan.

Di daxuyanîyê de hat destnîşankirin ku jîyana penaberên ku li Tirkîyeyê nikarin bigihêjin mafê xwe yê herî bingehîn, gelek caran veguherî tehdîd û hêmaneke bazarîyê û wiha hat gotin; “Werin em bi koçber û penaberan re bibin yek û li dijî xizanîyê têbikoşin. Werin em hemû ji bo penaberan jîyanek bi ewle û bi rûmet biparêzin.” Di daxuyanîyê de hat destnîşankirin ku sîstemên dewletê bi dîwarên gumrikê, têldan, kampên komkirinê, îşkence û mûameleya xerab, li dijî penaberan didomînin.