Sendîkaya Kedkarên Çapemenî, Weşan, Ragihandin û Poste (HABER-SEN) li ber avahîya Midûrîyeta Giştî ya PTT'ê ya Amedê daxuyanîyek da.

Di daxuyanîyê de pankartên "BANKA QEZENC DIKIN, KEDKAR WINDA DIKE" hatin vekirin. Sekreterê Malî yê Şaxa KESK HABER-SEN'ê Serhat Oktay ku metna daxuyanîyê xwend wiha got, “Ji ber zêdebûna rêjeya enflasyonê ya di van salên dawî de li welatê me ji ber rewşa krîza aborî, kêmbûneke cidî di hêza kirînê ya hemû beşên ku bi keda xwe ji bo debara jîyana xwe têdikoşin, rû da.

Bi peymanên teşwîqkirina bankayê yên berîya Hezîrana 2021an li gelek bajaran ji bo 3-5 salan hatin îmzekirin û 3-5 hezar lîre ketibû destê kedkaran.

Lê belê ev rêje di girêbestên teşwîqkirina bankayan de ku di serdema nû de hatine çêkirin, dibe 27-50 hezar lîre.

Bi taybetî, karkerên ku di sala 2022-an û berî wê bi peymanên teşwîqkirinê li cîhên kar dixebitin rastî windakirineke giran a mafan hatine. Mixabin ji ber şert û mercên aborî yên li welatê me, pereyê ku ji bo xebatkarên me tê dayîn nûjentîya xwe winda kirî ye.

Me weke HABER-SEN'ê digel ku ji Midûrîyeta Giştî ya PTT'ê re gelek gotar li ser nûjekirina teşwîqê nivîsandin jî, heta niha gavên berbiçav nehatine avêtin. Em para xwe ya ji qazancên bankayan ku ji xercên me qezenc dikin dixwazin. Ji ber vê yekê em dibêjin ku divê PTT tavilê promosyonan nûjen bikin.”