Serokomar Recep Tayyîp Erdogan di axaftina xwe ya li mîtînga hilbijartinê de got, "Ew ê li şûna Ocalan, Selo bi cîh bikin."

Di mîtînga Antalya Kepezê de Erdogan namzetê Tifaqa Milet Kemal Kiliçdaroglû kir hedef û wiha got, “Li Amerîka û Ewropayê çi di guhê wî de dibêjin ew jî wê dibêje.Em vî kesî cidî nagirin.Tişta ku me eleqedar dike ev e ku ev kes li ser hesabê kê hatîye pêşberê me.”

Erdogan bal kişand ser gotina Kiliçdaroglû ya derbarê Hevserokê Giştî yê HDP'ê yê berê Selahattîn Demîrtaş de, ku gotibû "Em ê biryara dadgehê bi cîh bînin, em ê Demîrtaş ji girtîgehê derxin" de jî Erdogan wiha got, "Niha çi dibêjin? Em ê Selo derxin. Ew ê Selo têxin şûna Ocalan."