Li ser daxwaza RTÛK'ê û bi biryara dadgehê, ketina malpera nûçeyan a DW Tirkî û Dengê Amrîka (Voice of America) ji Tirkîyeyê hate astengkirin.

Ketina malperên DW Tirkî û Dengê Amrîka, wek “Bi biryara 1'emîn Dadgeha Cezayê Sulhê ya Enqereyê ketina malperê hat astengkirin.” hat ragihandin. Li ser daxwaza Lîjneya Bilind a Radyo û Televîzyonê (RTÛK) ketina malperên nûçeyan ên Dengê Amrîka û Deutsche Welle (DW) ya Almanyayê, ji alîyê 1'emîn Dadwerîya Cezayê ya Sulhê ya Enqereyê ve hat astengkirin. Endamê RTÛK'ê Îlhan Taşçi, li ser medyaya civakî bertek nişane vê rewşê da û wiha got: "Va ye azadîya çapemenîyê û demokrasîya pêşketî!"