Çaremîn danişîna doza li dijî Serokê Giştî yê İBB'ê Ekrem Îmamoglû bi îdiaya heqaret li Serok û endamên YSK'ê kirîye û daxwaza qedexeya sîyasî û cezayê girtîgehê dike, îro tê dîtin.

Çaremîn danişîna doza ku der barê Şaredarê Bajarê Mezin ê Stenbolê Ekrem Îmamoglu de bi hinceta heqaret li endamên Lijneya Hilbijartinê ya Bilind (YSK) kirîye îro li Edlîyeya Anadolu ya li Kartalê ya Stenbolê tê dîtin. Di doza ku ji Îmamoglû re 4 sal û mehek cezayê girtîgehê û pêkanîna xala 53. a TCK’ê ya ku ‘qedexeya sîyasî’ dihewîne de, hemû daxwazên parêzeran bi hinceta ku armanca wan dirêjkirina maweyê ye dadgehê red kir. Piştî parastina dawî ya parêzeran, tê payîn ku dadgeh biryara xwe eşkere bike.

Ketina edlîyeyê hat qedexekirin û wesayîtên TOMA li hin nuqteyên li ber edlîyeyê hatin bicihkirin. Berîya danişînê ji ber ku polîsan nasname ji parêzeran xwestin nîqaş derket. Seroka Baroya Stenbolê Fîlîz Saraç ket nav nîqaşê. Rojnamegerên ku xwestin danişînê bişopînin dîyar kirin ku bi biryara dozgerîyê tenê rojnamegerên bi kartên çapemenîyê yên ji edlîyeyê hatine girtin dê bikevin salonê. Li derîyê salona dadgehê barîkat hat bicîhkirin.

Dadger Mehdî Mahallel ragihand ku daxwaza redkirina dadger ya rûniştina berê hatîye redkirin. Parêzerên Îmamoglû daxwaz kirin ku îtîraza dadger li gorî xala 31. a Qanûna Cezayê careke din ji dadgeha cezayê giran re bê şandin. Dadger biryar da ku îtîraz ji niha ve hatîye encamdan û ji nû ve biryar nayê dayîn.

Her wekê tê zanîn Serokê İBBê Îmamoglu di kongreya ku di 30ê Cotmeha 2019an de li bajarê Strasboûrg ê Fransayê hat lidarxistin de bal kişand ser betalkirina hilbijartinên 31ê Adarê û rexneyên sîyasî kir.

Wezîrê Karên Hundir Suleyman Soylu di 4’ê Mijdara 2019’an de daxuyanîyek da û got, “Ez diçim Parlamentoya Ewropayê û ji ehmeqê ku ji Tirkîyeyê gilî kirîye re dibêjim; Ev gel wê we bide ber vê yekê."

Li ser vê yekê Îmamoglu wiha bersiv da: “Yên ku di 31ê Adarê de hilbijartin betal kirin û dema ku em li tiştên ku li cîhanê, li Ewropayê diqewimin dinêrin di çavên wan de, yên ku di meha Adarê de hilbijartin betal kirine. 31 ehmeq in, bila pêşî li wir bisekinin."

Piştre YSK’ê serlêdana sûc kir, Soylu ket nava tevgerê û Îmamoglû jî doz vekir.

Di îdianameya ku ji alîyê Serdozgerîya Komarê ya Anadoluyê ve hat amadekirin de hat dîyarkirin ku di nav wan de Serokê YSK’ê yê teqawît Sadî Guven ku wê demê li Lijneya Hilbijartinê ya Bilind dixebitî jî di nav de 11 kes mexdûr bûne.

Di îdianameyê de Îmamoglû ji ber sûcê "bi eşkere heqareta li memûrên ku li Lijneyê dixebitin" salek, 3 meh, 15 roj, 4 sal û mehek cezayê hepsê û ji mafê hilbijartî û hilbijartinê bê par hat dayîn hatibû daxwaz kirin.”