Hat dîyarkirin ku li dijî AFAD'ê ku piştê erdhêjên 6'ê Sibatê yên li Mereşê pêk hatin û li 11 bajaran bandor kir, gelek rexne lê hatibû kirin, wê milyonek doz bên vekirin.

AFADê daneyên xwe yên aborî yên nîvê ewil a 2023an eşkere kir. Li gor nûçeya Mustafa Bîldîrcîn a ji BirGûnê, AFAD'ê ku ji ber qelsîya xebatên lêgerîn û rizgarkirinê yên piştê erdhêja 6'ê Sibatê hate rexnekirin, butçeya ku pêwîst bû ji bo kêmkirina xetereya karesatê û amadekarîyên ji bo felaketên muhtemel hatiba bikaranîn.

Tevahîya lêçûnên ku di xala "Kêmkirina Rîskê û Amadekirina Afatan" de ku ji bo sala 2023an 733 milyon 800 hezar lîre butçe hat veqetandin, di dawîya meha Hezîranê de derket 432 mîlyon û 800 hezar lîre.

Xerckirin di nîvê yekem a 2023 de tê ragihandin ku ji sedî 59 ê budceya salane ye. Pêşbînîyên AFAD'ê yên "Der barê Sazîyê de doz bên vekirin" jî bal kişand. Sazîya ku piştê erdhejên 6'ê Sibatê dihat niqaş û rexne kirin, dîyar kir ku tê texmîn kirin ku ji mîlyonekê zêdetir doz bên vekirin.

Hat hînbûn sazîya ku bi tevahî butçeya wê 8 milyar û 75 milyon Lîre ye di sala 2023yan de di nîvê salê da 66 milyar û 282 milyon lîre xerc kirîye. Hat dîyarkirin ku lêçûnên AFADê yên di heyama Çile-Hezîran a 2023an da ji sedî 820 ji temamê malîyeta ku ji bo sala 2023an hatîye veqetandin derbas kirîye.