Ozcan Alperê ku di Festîvala Fîlman de xelata derhênerê herî serkeftî wergirt, xelata xwe diyarê Seroka Yekîtîya Tebîbên Tirk TTB'ê Şebnem Korur Fîncanci kir.

Festîvala Fîlman a ku îsal cara 10emîn tê lidarxistin, li Navenda Çanda Ataturkê (AKM) bi merasîmekê bi dawî bû. Özcan Alper bi fîlmê xwe yê bi navê "Şeva Tarî" di beşa fîlmên dirêj ên neteweyî de xelata derhênerê herî baş û serkeftî wergirt.

Derhêner Alper di merasîma dayîna xelatê de axivî û got, “Jina ku her tim dibêje aştî Şebnem Korur Fîncanci ye, mixabin ji ber ku careke din gotiye aştî, rastî kampanyaya lîncê hat. Ez hêvî dikim ku ev ya dawîn be. Ez hêvî dikim ku ew zûtirîn ji girtîgehê serbest bê berdan. Ez vê xelatê diyarê wê dikim.”