Sazîyên Civakî yên Amedê di derbarê binpêkirinên mafan ên li girtîgehan de, li ber edlîyeyê daxuyanîyeke hevpar dan. Serokê Şaxa ÎHD'ê ya Amedê Abdullah Zeytûn, bi sernavê "Em jiyanê û rûmeta mirovahîyê diparêzin." daxuyanîyeke hevpar da. Zeytûn wiha got; “Divê girtîgehên li Tirkîyeyê heta ku dibe, li gor pîvanên mafên mirovan û navneteweyî bên çêkirin. Li ser kesê girtî nabe ku ‘rêveberîya hovane, nemirovî, biçûkxistinê’ bê kirin.” Zeytun, anî ziman ku divê dev ji îşkence û miameleyên xerab ên li girtîgehan berdin û wiha berdewamkir, “Di derheqa rayedarên ku kiryarên derqanûnî dikin, divê mekanîzmayên lêpirsînê yên bi bandor bên meşandin. Em hemû sazî dîyardikin ku em ê van binpêkirinan bişopînin û bang li her kesê dikin ku di zûtirîn demê de dawî li binpêkirina mafan bînin.” Daxuyanî bi çepikan bi dawî bû.