Li ser serlêdana Baroya Amedê, hilweşandina avahiyên ku zirar dîtine hat rawestandin.

Di erdhêjên ku navenda wan Mereş bû de li Amedê 7 avahî ku 1 jê vala bûn hatibûn hilweşandin. Piştê lêkolînên tesbîtkirina xisarê, li bajêr hezar û 620 avahî zirareke mezin dîtine û hezar û 803 avahî jî bi sivikî zirar dîtine. Biryar hatibû dayîn ku wê 71 avahî bi lezgînî bên hilweşandin û di destpêka xebatên hilweşandinê de hilweşandina 3 avahiyan jî bi dawî bûne. Baroya Amedê, ji bo avahiyên ku wê tavilê bên hilweşandin û zirarê bibînin, di dema pêş de ji aliyê hiqûqî û cezayî ve nebin sedema windakirina mafan, serî li 1'emîn Dadgeha Cezayê Sulhê ya Amedê da. Biryar hat dayîn ku ji 24’ê Sibatê ve ji aliyê lijneyeke ji 4 pisporan pêk tê divê xebatên kifş û tespîtê bikin.