Ji 3 ciwanên Amedê yên ku di encama qezayê de siwareya wan di Çemê Mûnzûrê ya Dêrsimê de winda bûbûn, cenazeyê yekî hat dîtin.

Siwareya a ku ciwanê bi navê Mehmet Can Demîral, Azat Demîral û Baran Aslantaş tê de bûn, di 21ê Nîsanê de di ji bo seyran ji Amedê derketibûn û wê biçûna Dêrsimê, li 40emîn kîlometreya rêya Pulurê qeza kiribû, qelibîbû nava çemê Mûnzûrê û winda bûbû.

Piştê xebatên lêgerînê hatin destpêkirin, roja Şemîyê 6ê Gulanê cenazeyê Baran Aslantaş ê 22 salî li herêma Mîskîsag a ser rêya Pulurê di Çemê Mûnzûrê de hatibû dîtin.

Di encama xebatên lêgerînê de cenazeyê Mehmet Can Demiral ê 22 salî jî li devera Pira Venkê ya li navçeya Pulurê hat dîtin û bi ambûlansê ji bo morga Nexweşxaneya Dewletê ya Dêrsimê hat şandin.

Li alîyê din lêgerîna ji bo dîtina Azat Demîral hem li Çemê Mûnzûrê û hem jî li Bendava Uzunçayirê berdewam dike.