Wezîrê Dadê Bekîr Bozdag ê ku li navçeya Kayapinara Amedê li devera ku tê plan kirin wê konteynir bê ava kirin, lêkolîn kir û ji rayedaran agahî wergirt.

Bozdag, wiha got, “Li gor pêwîstîyê avakirina konteyniran tê plan kirin. Ev qad li gor 1000 konteynir hatîye plan kirin. Herêmên alternatîf jî hene ku binesazîya wan amadeye û Heger ji bilî vir pêwîstî bi cihekî din hebe em ê wan binirxînin. Lê niha li vê herêmê wê 621 konteynir têkeve falîyetê. Der dora 100 konteynir gihiştine Amedê.”

Wezîr Bozdag îdia kir ku ti pirsgirêka vehewandinê û xanîyan ya welatîyên Amedê tuneye. Lê belê ji ber barana zêde li Riha, Semsûr û Amedê kon di bin avê de mabûn û mexdûrên erdhejê ji konan derketibûn.