Hat dîyarkirin ku di projeya ku li navçeya Artukluya Mêrdînê li ser xeta çemê dest pê kir de plansazîya zonê tune ye û nêrîn û destûr ji sazîyê nehatine girtin.
Projeya ku li Herêma Akresê ya navçeya Artukluyê li ser xeta çemê hat çêkirin û di plansazîya zonê da wek 5 qat hat qebûlkirin, di plansazîya înşaatê da ji 5 blokan 9 qat û di dîmenên danasînê da jî avahîyên 11 qatî cîh girt.
Hat îdîakirin ku di înşaetê de gelek neheqî hene, ji ber vê yekê Şaredarîya Artukluyê ya AKP'yî û qeyûmê Şaredarîya Bajarê Mezin a Mêrdînê bêdeng mane.
Di nûçeya ku ji alîyê Ajansa Mezopotamyayê ve hat weşandin de, hat dîyarkirin ku ji bo herêma xwedî statûya erdê plansazîyeke masterê ya qadkirinê tine ye.
balkêşe ku li qada ku bêyî ku nêrînên sazîyê werbigirin destûra înşaetê hat dayîn, rêya projeyê jî li ser xeta çem hatîye nîşandan.
Her wiha hat dîyarkirin ku destûrên projeyan bi awayekî bêrêtî hatine dayîn. Hat îdîakirin ku destûr ji alîyê B.K.yê ku berê Serokê Daîreya Plansazîyê ye û Sekreterê Giştî M.S. ên Şaredarîya Bajarê Mezin a Mêrdînê ve hatîye dayîn.
