Sendîkaya Karkerên Buroyê ya Şaxa Amedê (BES) vê hefteyê çalakîya xwe ya heftane li ber Midûrîyeta Navendî ya Ewlehîya Civakî ya Bağlarê li dar xist. Sekretera jin a BES'ê Guneş Ozel, nivîsa çapemenîyê xwend.

Ozel wiha got, “ji ber ku hemû raya giştî jî dizane Qanûna EYT’ê hat derxistin û ji ber ku qanûn bi biryareke bêplan û hilbijartinê bêyî ku binesazîya pêwîst were amadekirin hate derxistin, xebatkarên SGKyê di bin vê giranîya kar a zêde de dişewitînin û heta nîvê şevê, dawîya hefteyê jî dixebitin.

Bi derxistina Qanûna EYT’ê re nêzî 2 milyon û nîv teqawîtbûyînên nû çêbûn û ev jî karê me xebatkarên SGK’ê qat bi qat zêde kir. Wezîrê Xebat û Ewlehîya Civakî Vedat Bîlgîn, dîyar kir ku dema zêde bûye 100 demjimêr, weke ku mizgînîyê bide me û ev jî 3 mehan hat sînorkirin.

Li vir em bang li wezîr dikin; em çareserîyên mayînde ji we dixwazin, ne çareserîyên cilûbergan. Têkoşîna me heta daxwazên me bi cih werin wê bidome.”