Baroya Amedê ragihand ku li dijî kesên ku Mamosteya Kurdî Mizgîn Yalçin ji ber ku navên bajaran bi Kurdî perwerde kirîye, wek hedef nîşan dane, dozên hiqûqî dane destpêkirin.

Mamosteya Kurd Mizgîn Yalçin a ji navçeya Farqînê ya Amedê, ji ber vîdyoya xwe ya ku navê bajaran bi Kurdî dide xwendekaran, li ser medyaya civakî bû hedef. Mamoste Mizgîn derbarê mijarê de ji parêzeran piştgirî xwest.

Li ser vê yekê Baroya Amedê li ser hesabê xwe yê fermî yê medyaya civakî daxuyanîyek da û got; “Baroya me derbarê kesên ku Mamosteya Kurd Mizgîn Yalçin ji ber parvekirinên perwerdehîyê yên li ser medyaya civakî hedef girtine, doz vekirîye. Em ê pêvajoya qanûnî bişopînin.”