Serokê Baroya Amedê Nahît Eren, di çarçoveya destpêka Sala Edlî de daxuyanî da û got, "Heke hûn biryarên darazê li gor kes, cih û wextê pêk neynin, tê wateya ku we dev ji prensîbê serwerîya hiqûqê berda ye."

Baroya Amedê bi minasebeta Destpêka Sala Edlî, îro li ber Edlîyeyê daxuyanî da.

Serokê Baroyê Eren, daxuyanî xwend û wiha got, “Îro di heman demê de Roja Aştîyê ya Cîhanê ye. Wek Baroya Amedê; Em careke din dixwazin bînin ziman ku em li dijî şer û tundîyê ne.”

Eren, biryarên AÎHM'ê yên der barê Selahattîn Demîrtaş û Osman Kavala de bi bîr xist û got, "Pirsgirêkeke din a kronîk a pergala me ya hiqûqê, israra bicih ne anîn a AÎHM'ê ya ku daraza wê ya mecbûrî hatîye qebûlkirin û biryarên Dadgeha Destûra Bingehîn e.

Ger hûn biryarên darazê li gorî kes, cih û demê pêk neynin, ev tê wê wateyê ku we dev ji prensîba dewleta hiqûqê berdaye.