Serokê Giştî yê MHPê Devlet Bahçelî di civîna Koma Meclisê ya partiya xwe de derbarê nîqaşên ji nû ve namzediya Serokomar Recep Tayyîp Erdogan de axivî.

Bahçelî wiha got, “Namzediya birêz Recep Tayyîp Erdogan a ji bo Serokkomariyê mîna hunguv û cemedê, qanûnî, destûrî, exlaqî û hiqûqî ye. Bi Referandûma 16ê Nîsana 2017an Sîstema Hikûmeta Serokomariyê hat qebûlkirin. Bi pergala nû re 'statûya destûrî' ya Serokatiyê hat guhertin; Ji cewherê xwe yê bêalî, bê destûr û bêberpirsiyarî, bûye modela rêveberiya nû ya pergala serokatiyê ya xweser. Îdîaya ku Serokomarê ku ji bo heyamekê rayeya xwe di nava Sîstema Hikûmeta Serokomariyê da bi kar aniye, nikare careke din bibe namzed, ji aliyê hiqûqî ve nederbasdar e û ji aliyê siyasî ve qusûreke giran e.