Li Nîjeryayê di karesatên lehîyê yên ji ber barana zêde ku ji Hezîranê û vir ve dewam dike de 603 kesan jîyana xwe ji dest dan. Wezareta Karên Mirovî ya Nîjeryayê bi daxuyanîyekê ragihand ku di lehîyê de 2 hezar û 400 kes birîndar bûne. Wezaret zêdebûna mirinan wek asta herî bilind pênase dike û wiha got; “Hejmara zêde ya mirinan ji ber wê yekê bû ku gelek eyaletên welat ji vê astê baranê re amade nebûn. Zêdetirê 82 hezar xanî û 110 hezar hiktar zevîyên çandinîyê bi temamî wêran bûne.” Li Nîjeryayê di sala 2012'an de jî di lehîya ku rabûbû de 363 kesan jîyana xwe ji dest dabûn û 2 mîlyon 100 hezar kes jî neçar mane ku malên xwe biterikînin.