Amedsporê daxuyand ku bi navê "dora te ye" kampanyaya piştgirîyê daye destpêkirin. Amedsporê ku di Lîga Duyemîn a Koma Spî ya Federasyona Futbolê ya Tirkiyeyê (TFF) de pêşbirkê dike, di hefteya 36emîn a lîgê de, Ispartaspor mêvanê Amedsporê dibe. Serokê Klûba Amedsporê Selahattîn Yildirim ê ku armanc dike di Play-Offê de bimîne, dîyarkir ku ji bo armancên şampiyonîyê pêdivîya wan bi piştgirîya alîgiran heye. Yildirim, li ser hesabên fermî yên medyaya civakî yên klûbê parve kir û wiha got; "Em dixwazin di vê pêvajoyê de ku ji her deme zêdetir pêdivîya me heye, em ne tenê bi hezkirîyên xwe re, bi karsaz û hezkirîyên Amedsporê û bi sazîyên sivîl ên herêmê re jî bijîn. Berîya maça Isparta ya ku em ê vê hefteyê bilîzin, em dest bi kampanyaya 'dora te ye' dikin. Di vê kampanyayê de em bang li her kesî dikin ku bi kirîna bilêt û cilên yekreng li gorî hêza xwe li gel me bin.”