Li Amedê pîleya hewayê gihîşt 40’î. Esnaf û ajelhez di van rojên germ de ajelên kolanan ji bîr nekirin û ji bo wan xwarin û av belav kirin. Welatîyê bi navê Yilmaz Acû xwarinên xêrxwazan ku ji bo ajelan didinê, berhev dike û li pisîk û kûçikan belav dike.

Yilmaz Acû dîyar kir ku tekane xema me ew e ku ajelên kolanan tî û birçî neminîn û ji bo xwedî li wan derkevin bang li welatîyan kir. Her wiha Yilmaz Acû got, ev karê ku ew bi dilxwazî dike kêfxweşî û aramîyek mezin dide wî.