Parlamenterê CHP'ê yê Eskîşehîrê Utku Çakirozer "Raporta Azadiya Çapemeniyê" ya 6 mehan a ku amade kiribû parve kir.

Li gorî raportê, li Tirkiyeyê di 6 mehên destpêkê yên salê de 350 caran rojnameger derxistin pêşberî dadger, 56 rojnameger hatin binçavkirin û 23 rojnameger hatin girtin. Di raporê de hat ragihandin ku rojnameger ji ber êrîş, gef û hedefgirtinê neçar mane şeş mehên destpêkê yên salê di bin xeteriyeke mezin a ewlekariyê de derbas bikin, hat destnîşankirin ku rojnameger dema nûçe dişopînin rastê tundiya polîsan û astengiyan tên.